சித்தார்த் அடுத்த படத்தின் படக்குழுவினர் அறிவிப்பு

‘இந்தியன் 2’ படத்துக்குப் பிறகு ஸ்ரீகணேஷ் இயக்கவுள்ள படத்துக்கு தேதிகள் ஒதுக்கியிருக்கிறார் சித்தார்த். சாந்தி டாக்கீஸ் நிறுவனம் சார்பில் அருண் விஸ்வா தயாரிக்கவுள்ளார். இதன் ஆரம்பகட்ட பணிகள் மும்முரமாக நடைபெற்று வருகின்றன.

இன்று (ஜூலை 14) சாந்தி டாக்கீஸ் நிறுவனத்தின் முதல் தயாரிப்பான ‘மாவீரன்’ வெளியான நாளாகும். இதனை முன்னிட்டு தங்களுடைய அடுத்த தயாரிப்பில் நடிக்கவிருப்பவர்கள் பட்டியலை படக்குழு வெளியிட்டுள்ளது.

இதில் சரத்குமார், தேவயானி, மீதா ரகுநாத் மற்றும் சைத்ரா அச்சர் ஆகியோர் சித்தார்த் உடன் நடிக்க ஒப்பந்தம் செய்யப்பட்டுள்ளனர். மேலும் தொழில்நுட்பக் குழுவினர் விவரமும் விரைவில் வெளியாகவுள்ளது.