1000 கோடி வசூலை கடந்தது ‘கல்கி 2898 ஏடி’

நாக் அஸ்வின் இயக்கத்தில் பிரபாஸ், அமிதாப் பச்சன், கமல், தீபிகா படுகோன், திஷா பதானி, பசுபதி உள்ளிட்ட பலர் நடிப்பில் ஜூன் 27-ம் தேதி வெளியான படம் ‘கல்கி 2898 ஏடி’. வைஜெயந்தி மூவிஸ் நிறுவனம் தயாரித்த இந்தப் படம் தான் இந்தியாவில் அதிகப் பொருட்செலவில் தயாரான படம் என்பது குறிப்பிடத்தக்கது. இதன் 2-ம் பாகம் படப்பிடிப்பு விரைவில் தொடங்கவுள்ளது.

பெரும் எதிர்பார்ப்புக்கு இடையே வெளியான இந்தப் படம் வசூல் ரீதியாகவும், விமர்சன ரீதியாகவும் அனைத்து மொழிகளிலும் மாபெரும் வரவேற்பைப் பெற்றது. இதனால் வசூலை வாரிக் குவித்து வருகிறது. 17 நாட்களை கடந்தும் இன்றும் வசூல் நன்றாக உள்ளது.

உலகளவில் 1000 கோடி வசூலைக் கடந்துவிட்டதாக ‘கல்கி 2898 ஏடி’ படக்குழு அதிகாரபூர்வமாக அறிவித்திருக்கிறது. விரைவில் இந்தியாவில் தயாரான படங்களுள் அதிக வசூலைக் குவித்த படம் என்ற மாபெரும் சாதனையை நிகழ்த்தும் என்று எதிர்பார்க்கப்படுகிறது.